ನಮ್ಮ ನೆಚ್ಚಿನ ಸಂಘಮಾತೆ ಮತ್ತು ಅಧ್ಯಕ್ಷರಾದ ಶ್ರೀ ಶ್ರೀ ಮೃಣಾಲಿನಿ ಮಾತಾರರ ಗೌರವಾರ್ಥ ಸ್ಮರಣೀಯ ಸಮಾರಂಭದಲ್ಲಿ ಪ್ರಪಂಚದಾದ್ಯಂತ ಹರಡಿಕೊಂಡಿರುವ ಯೋಗದಾ ಸತ್ಸಂಗ ಸೊಸೈಟಿ ಆಫ್ ಇಂಡಿಯಾ/ಸೆಲ್ಫ್-ರಿಯಲೈಝೇಶನ್ ಫೆಲೋಷಿಪ್‌ನ ಸಾವಿರಾರು ಸದಸ್ಯರು ಮತ್ತು ಸ್ನೇಹಿತರು ವೈಎಸ್ಎಸ್/ಎಸ್ಆರ್‌ಎಫ್ ನ ಸನ್ಯಾಸಿಗಳನ್ನು ಜೊತೆಗೂಡಿ ಪಾಲ್ಗೊಂಡಿದ್ದರು.
ಅಗಸ್ಟ್ 11, 2017 ರಂದು ಕ್ಯಾಲಿಫೋರ್ನಿಯಾದ ಲಾಸ್ ಏಂಜಲೀಸ್‌ನಲ್ಲಿರುವ ವೆಸ್ಟಿನ್ ಬೊನಾವೆಂಚರ್ ಹೋಟೆಲ್‌ನಲ್ಲಿ ಎಸ್ಆರ್‌ಎಫ್ ವಿಶ್ವ ಘಟಿಕೋತ್ಸವದ ಸಂದರ್ಭದಲ್ಲಿ ಈ ಸಮಾರಂಭವು ನಡೆಯಿತು.
ಪರಮಹಂಸ ಯೋಗಾನಂದರ ಇಂತಹ ಶ್ರೇಷ್ಠ ಶಿಷ್ಯ ಪರಂಪರೆಯನ್ನು ನಾವು ಗೌರವಿಸುವುದನ್ನು ಮುಂದುವರಿಸುತ್ತಾ ಈ ಸ್ಪೂರ್ತಿದಾಯಕ ಸಮಾರಂಭದ ವೀಡಿಯೊ ಕವರೇಜ್ ಅನ್ನು ಹಂಚಿಕೊಳ್ಳಲು ನಾವು ಸಂತೋಷಪಡುತ್ತೇವೆ.
ಅಲ್ಲದೆ, ಲಾಸ್ ಏಂಜಲೀಸ್‌ನಲ್ಲಿ ನಡೆದ ಸಮಾರಂಭದಲ್ಲಿ ಹಾಜರಾಗಲು ಸಾಧ್ಯವಾಗದ ಎಲ್ಲರನ್ನು ನಾವು ಈ ಸುಂದರ ಸ್ಮರಣೀಯ ಕಾರ್ಯಕ್ರಮದ ವಿಡಿಯೋ ಪ್ರತಿಯನ್ನು ಡೌನ್‌ಲೋಡ್ ಮಾಡಿಕೊಳ್ಳಲು ಆಹ್ವಾನಿಸುತ್ತೇವೆ.
