“శిష్యరికాన్ని గాఢతరం చేసుకోవడం” — వాలంటరీ లీగ్ ఆఫ్ డిసైపుల్స్ యొక్క ప్రాథమిక పురోగతి

ప్రారంభోత్సవం తరువాత, వై.ఎస్.ఎస్./ఎస్.ఆర్.ఎఫ్. క్రియాబాన్ ల కోసం నిర్వహించిన ఆన్‌లైన్‌ సత్సంగంలో స్వామి చిదానందగారు ప్రముఖంగా ఇలా ప్రస్తావించారు: “వాలంటరీ లీగ్ ఆఫ్ డిసైపుల్స్ అనేది ప్రప్రధమముగా శిష్యరికం, తరువాత ఆ చైతన్యంతో కార్యాలను నిర్వహించడం — ఆ దృక్పథంతో, గురుదేవుల పట్ల ఆంతరిక అనుబంధం మరియు అంకితభావంతో ఉండడం – సంక్షిప్తంగా చెప్పాలంటే, జీవితంలోను మరియు గురుదేవుల కార్యాచరణలోను సేవ చేయడానికి నిబద్ధతతో ఉండే వై.ఎస్.ఎస్./ఎస్.ఆర్.ఎఫ్. కు చెందిన క్రియాబాన్ శిష్యులు – వాలంటరీ లీగ్ ఆఫ్ డిసైపుల్స్ అంటే ఇదే.”

వై.ఎస్.ఎస్. మరియు ఎస్.ఆర్.ఎఫ్. సన్యాసులు నెలవారీ నిర్వహించే వి.ఎల్.డి. తరగతులు మరియు వర్క్‌షాప్‌లు, వి.ఎల్.డి సభ్యులకు స్ఫూర్తిదాయకమైన పరిజ్ఞానం మరియు ఆచరణాత్మక సలహాలను అందిస్తాయి. సభ్యులు తాము చేసిన ప్రతిజ్ఞను నెరవేర్చడంలో సహాయపడటానికి మరియు పరమహంసగారి బోధనల సూత్రాలను తమ చైతన్యంలోకి మరింత గాఢంగా గ్రహించడంలో వారికి సహాయపడటానికి ఈ కార్యక్రమాలు రూపొందించబడ్డాయి.

గత రెండేళ్లలో వై.ఎస్.ఎస్. సన్యాసులు ప్రసంగించిన వి.ఎల్.డి. ఆన్‌లైన్ తరగతులలో భాగంగా ఈ క్రింది కీలక అంశాలు ప్రసంగించబడ్డాయి:

• ఆధ్యాత్మిక దినచర్య ద్వారా మన పురోగతిని భగవంతుని వైపు వేగవంతం చేసుకోవడం
• హాంగ్-సా ప్రక్రియ యొక్క సాధనా పరిజ్ఞానము
• క్రియాబాన్ ల కోసం సమతుల్య జీవితం యొక్క ప్రాముఖ్యత
• శ్రీ దయామాతగారి ఆదర్శ వాక్యంపై పర్యాలోచన: ప్రేమ, సేవ, ధైర్యం, విశ్వాసం