ಕೀರ್ತನೆಯ ದೈವೀ ಕಲೆ

1920 ರಲ್ಲಿ ಅಮೆರಿಕಕ್ಕೆ ಆಗಮಿಸಿದ ಪರಮಹಂಸ ಯೋಗಾನಂದರು, ಭಾರತದ ಸಾರ್ವತ್ರಿಕ ಕಲೆಯಾದ ಭಕ್ತಿಯ ಗಾಯನವನ್ನು ಪಶ್ಚಿಮಕ್ಕೆ ತಂದು, ಸಾವಿರಾರು ಜನರು ಭಗವದ್‌ ಭಕ್ತಿಯಲ್ಲಿ ಒಟ್ಟಾಗಿ ಭಕ್ತಿಗಾಯನವನ್ನು ಭಜಿಸುವ ಅನುಭವವನ್ನು ಪರಿಚಯಿಸಿದರು.

ನಿಮ್ಮ ಧ್ಯಾನಾಭ್ಯಾಸದಲ್ಲಿ ಭಕ್ತಿಯ ಗಾಯನವನ್ನು ಸೇರಿಸಲು, ನೀವು ಈ ಪುಟವನ್ನು ಆಧಾರವನ್ನಾಗಿ ಬಳಸುತ್ತೀರಿ ಎಂದು ನಾವು ಆಶಿಸುತ್ತೇವೆ. ನೀವು ವ್ಯಕ್ತಿಗತವಾಗಿ ಅಥವಾ ಸಮೂಹದಲ್ಲಿ, ಭಕ್ತಿಗಾಯನವನ್ನು ಭಜಿಸುತ್ತಿರುವಾಗ, ನೆನಪಿರಲಿ ಯೋಗಿಯ ಆತ್ಮಕಥೆ ಯಲ್ಲಿ ಪರಮಹಂಸ ಯೋಗಾನಂದರು ಭಕ್ತಿಗಾಯನವನ್ನು “ಯೋಗ ಅಥವಾ ಆಧ್ಯಾತ್ಮಿಕ ನಿಯಮಪಾಲನೆಯ ಒಂದು ಪರಿಣಾಮಕಾರಿಯಾದ ಸ್ವರೂಪ” ಎಂದು ವಿವರಿಸಿದ್ದಾರೆ.

ಕೇವಲ ಭಾವುಕತೆಯ ಹೆಚ್ಚಳಕ್ಕಿಂತ ಮಿಗಿಲಾಗಿ, ಏಕಾಗ್ರತೆ ಮತ್ತು ಪ್ರಾಮಾಣಿಕ ಸಮರ್ಪಣೆಯೊಂದಿಗೆ, ನೀವು ಈ ದಿವ್ಯ ಕಲೆಯ ರೂಪವನ್ನು ನಿಮ್ಮಲ್ಲಿ ಅಳವಡಿಸಿಕೊಳ್ಳಿ — ಯಾವುದರ ಬಗ್ಗೆ ಪರಮಹಂಸರು ಭರವಸೆ ನೀಡಿರುವರೋ ಅದು ಅದ್ಭುತ ಫಲಿತಾಂಶಗಳನ್ನು ನೀಡುತ್ತದೆ. “ಪ್ರಾರ್ಥನೆ ಮಾಡುವಾಗ ಅಥವಾ ಭಜಿಸುವಾಗ, ಪದಗಳ ಬಗ್ಗೆ ಯೋಚಿಸಬೇಡಿ, ಆದರೆ ಅವುಗಳ ಅರ್ಥದ ಬಗ್ಗೆ ಯೋಚಿಸಿ ಮತ್ತು ಮಾನಸಿಕವಾಗಿ ಉತ್ಕಟತೆಯಿಂದ, ಅವುಗಳ ಹಿಂದಿರುವ ಆಲೋಚನೆಯನ್ನು ಭಗವಂತನಿಗೆ ಸಮರ್ಪಿಸಿ,” ಅವರು ಯೋಗದಾ ಸತ್ಸಂಗ ಪಾಠಗಳಲ್ಲಿ ಹೇಳುತ್ತಾರೆ, “ಮತ್ತು ನಿಮ್ಮ ಪ್ರಾರ್ಥನೆಯು ಒಂದು ತೂಗುಗುಂಡಿನ ತರಹ ನೇರವಾಗಿ ಭಗವಂತನ ಚೇತನದ ಸಾಗರದ ಆಳಕ್ಕೆ ನೇರವಾಗಿ ಬೀಳುತ್ತದೆ.”