“உலகிற்கு மேலும் அதிக தெய்வீகப் பேரொளியை கொணர்தல்” பற்றி பரமஹம்ஸ யோகானந்தர்

ஓர் அறிமுகம்:

வருடத்தின் இந்த நேரத்தில், பல்வேறு சமயங்கள் மற்றும் கலாச்சாரங்களைச் சார்ந்த பலர், இந்த உலகின் அத்தியாவசிய அங்கமாக இருக்கும், நம்மை உயர்த்தவும் பராமரிக்கவும் செய்கின்ற அந்த தெய்வீக ஒளியின் முக்கியத்துவத்தை வலியுறுத்தும் சடங்குகள் மற்றும் நினைவுகளில், ஒருமுகப்படுத்துதலுடனும் அமைதியுடனும் தங்களை ஈடுபடுத்திக் கொள்கிறார்கள்.

இந்த பூமியில், அந்த சக்திவாய்ந்த இருப்பு வேறு எந்த வழியிலும் இல்லாத வகையில், கிருஷ்ணர் மற்றும் கிறிஸ்து போன்ற மகாத்மாக்களின் அவதாரங்களில் வெளிப்படுகிறது, அவர்கள் தெய்வீகஒளி மற்றும் ஆழ்ந்த உத்வேகத்தின் வடிவமாக நம்மிடம் வருகிறார்கள் — மேலும் இந்த யுகத்தில், தாங்கள் அடைந்த முக்தியை அடைவதற்கான வழிமுறைகளை நமக்குக் கொண்டு வந்துள்ளனர்.

அனைத்திற்கும் மேலாக, நாம் பெரும் மகிழ்ச்சியைக் கண்டறியவும், உலகம் ஆன்மீக ரீதியில் உருவாவதற்கும், நாம் அவர்களைப் போல ஆக முடியும், மாற வேண்டும் என்பதை நினைவூட்ட மகான்கள் வருகை புரிகிறார்கள்!

சங்கமாதாவும் YSS/SRF-இன் நான்காவது தலைவருமான ஸ்ரீ மிருணாளினி மாதா, இறைவனின் குழந்தைகளாகிய நாமும் “முழு உலகிற்கும் இறை அன்பையும் சகோதரத்துவத்தையும் பரப்பும் ஒளியின் தூதுவர்களாக” மாற முயற்சிக்க வேண்டும் என்று பரமஹம்ஸர் கூறுவார் என்று பகிர்ந்து கொண்டார். எல்லாவற்றையும் போலவே இதற்கும் நேரமும் பயிற்சியும் தேவை.

விடுமுறைக் காலத்தின் பல்வேறு செயல்பாடுகளுக்கு மத்தியில், உள்ளார்ந்திருக்கும் தெய்வீகப் பேரொளியுடன் மெய்யாகவே தொடர்பு கொள்வதற்கும், உலகிற்குத் தேவையான “ஒளியின் தூதர்களில்” ஒருவராக இருத்தல் என்றால் என்ன என்பதைப் பற்றி சிறிது நேரம் நிதானித்து சிந்தித்துப் பார்க்க உங்களை அழைக்கிறோம்.