சமீபத்திய YSS/SRF சன்னியாசத்திற்கான சபதங்கள் ஏற்றல்-ஒரு பண்டைய பாரம்பரியத்தை பின்பற்றுதல்

ஜூலை 1915இல், பரமஹம்ஸ யோகானந்தர் இந்தியாவில் செராம்பூர் நகரில் அவரது குரு ஸ்வாமி ஸ்ரீ யுக்தேஸ்வரிடமிருந்து சன்னியாசத்திற்கான சபதங்களை ஏற்று, இந்தியாவின் பண்டைய ‘ஸ்வாமி’ சன்னியாசப் பரம்பரையில் தீட்சை பெற்றார். இந்நிகழ்ச்சி இருபத்திரெண்டு வயதே ஆன முகுந்தலால் கோஷின் வாழ்க்கையில் ஒரு திருப்புமுனையை குறிப்பதாக அமைந்ததோடு மட்டுமல்லாமல் — அப்பொழுது அவர் ஸ்வாமி யோகானந்த கிரி ஆகியிருந்தார் — அது அவர் ஏற்படுத்திய சன்னியாசப் பரம்பரையின் காரணத்தினால் மட்டுமல்ல, 20ம் நூற்றாண்டிலும் மற்றும் அதற்கு அப்பாலும் உலக ஆன்மீக எழுச்சியில் அவர் ஏற்படுத்த இருக்கும் தாக்கத்திற்கு முன்னறிவிப்பு செய்வதாகவும் அமைந்தது.

பரமஹம்ஸ யோகானந்தர் இணைந்த பண்டைய ஸ்வாமி பரம்பரை இன்று உலகெங்கிலும் உள்ள நாடுகளைச் சேர்ந்த சன்னியாசிகளைக் கொண்ட யோகதா சத்சங்க சொஸைடி ஆஃப் இந்தியா/ ஸெல்ஃப்-ரியலைசேஷன் ஃபெலோஷிப் சன்னியாச சமூகத்தில் செழித்து வளர்கிறது. இந்தச் சன்னியாசப் பரம்பரை YSS/SRF வளர்ச்சியைத் தக்கவைத்துக் கொண்டு, அனைத்து நாடுகளுக்கிடையே யோகத்தைப் பரவலாகப் பரப்புவதற்கும் உதவுகிறது.