ಧ್ಯಾನದ ಶಿಬಿರಗಳು

ಧ್ಯಾನದ ಶಿಬಿರದ ಅನುಭವದ ಪರಿಣಾಮಗಳ ತೀವ್ರತೆಯನ್ನು ಹೆಚ್ಚಿಸಲು, ಅತಿಥಿಗಳು ಧ್ಯಾನದ ಶಿಬಿರದ ಎಲ್ಲಾ ಕಾರ್ಯಕ್ರಮಗಳಲ್ಲಿ ಭಾಗವಹಿಸಬೇಕೆಂದು ಮತ್ತು ಅವರು ಅಲ್ಲಿರುವಾಗ ಬೇರೆ ಇನ್ನಾವುದೇ ಚಟುವಟಿಕೆಯಲ್ಲಿ ತೊಡಗದಿರುವುದನ್ನು ನಿರೀಕ್ಷಿಸಲಾಗುತ್ತದೆ.

ಈ ಧ್ಯಾನದ ಶಿಬಿರದ ಕಾರ್ಯಕ್ರಮಗಳು ಎಲ್ಲ ಭಕ್ತಾದಿಗಳಿಗೂ ಮುಕ್ತವಾಗಿ ತೆರೆದಿದೆ: ಪುರುಷರು, ಮಹಿಳೆಯರು ಮತ್ತು ವಿವಾಹಿತ ದಂಪತಿಗಳು. ಪುರುಷರಿಗೆ ಮತ್ತು ಮಹಿಳೆಯರಿಗೆ ತಂಗಲು ಪ್ರತ್ಯೇಕವಾದ ವ್ಯವಸ್ಥೆ ಮಾಡಿ ಕೊಡಲಾಗುತ್ತದೆ.

ಗುರುಗಳೊಡನೆ ಆಳವಾಗಿ ಶ್ರುತಿಗೂಡಲು ಮತ್ತು ತಮ್ಮ ಆಂತರಿಕ ಪರಿಸರವನ್ನು ಬೆಳೆಸಿಕೊಳ್ಳಲು ಶಿಬಿರಾರ್ಥಿಗಳು ಮೌನವನ್ನು ಪಾಲಿಸಬೇಕು ಎಂದು ಕೋರುತ್ತೇವೆ.

ಈ ಧ್ಯಾನದ ಶಿಬಿರದ ಕಾರ್ಯಕ್ರಮಗಳಲ್ಲಿ ನೀವು ಭಾಗವಹಿಸಬೇಕೆಂದು ಬಯಸಿದರೆ, ಕನಿಷ್ಠ ಒಂದು ತಿಂಗಳ ಮುಂಚೆ ನಿಮ್ಮ ಹೆಸರು, ವಿಳಾಸ, ಮೊಬೈಲ್‌ ನಂಬರ್‌, ಇ-ಮೇಲ್‌ ಐಡಿ, ಪಾಠಗಳ ನೋಂದಣಿ ಸಂಖ್ಯೆ, ವಯಸ್ಸು ಮತ್ತು ನಿಮ್ಮ ಸಂಭಾವ್ಯ ಬರುವ ಹಾಗೂ ಹೊರಡುವ ದಿನಾಂಕಗಳನ್ನು ದಯವಿಟ್ಟು ನೀವು ಹೋಗಬೇಕೆಂದಿರುವ ಆಶ್ರಮ/ಕೇಂದ್ರ/ಸಾಧನಾಲಯಕ್ಕೆ ತಿಳಿಸಬೇಕೆಂದು ಕೋರುತ್ತೇವೆ. ನಂತರ ನೀವು ನಿಮ್ಮ ನೋಂದಣಿಯ ಬಗ್ಗೆ ಮಾಹಿತಿಯನ್ನು ಪಡೆಯುತ್ತೀರಿ. ನೋಂದಣಿ ಶುಲ್ಕವೇನಾದರೂ ಇದ್ದಲ್ಲಿ ಅದನ್ನು ನೀವು ಮುಂಚಿತವಾಗಿ ಪಾವತಿ ಮಾಡಬೇಕು. ಹೆಚ್ಚಿನ ಮಾಹಿತಿಗಾಗಿ ದಯವಿಟ್ಟು ಸಂಬಂಧಪಟ್ಟ ಆಶ್ರಮ/ಕೇಂದ್ರ/ಸಾಧನಾಲಯವನ್ನು ಸಂಪರ್ಕಿಸಿ.

ಗುರೂಜಿ ಹೇಳಿದ್ದಾರೆ: “ಎಲ್ಲ ಕರ್ತವ್ಯಗಳಿಗಿಂತಲೂ ಮಿಗಿಲಾದದ್ದು ಭಗವಂತನನ್ನು ನೆನಪಿನಲ್ಲಿಟ್ಟುಕೊಳ್ಳುವುದು. ಇಡೀ ದಿವಸ ಭಗವಂತನ ಪರಮಾನಂದದಿಂದ ತುಂಬಿರಲು, ಬೆಳಿಗ್ಗೆ ಮಾಡಬೇಕಾದ ಮೊದಲ ಕೆಲಸವೆಂದರೆ ಅವನ ಕುರಿತು ಧ್ಯಾನ ಮಾಡುವುದು ಮತ್ತು ಅವನ ಸೇವೆಗಾಗಿ ನಿಮ್ಮ ಬದುಕನ್ನು ಹೇಗೆ ಮೀಸಲಿಡುವುದು ಎಂದು ಆಲೋಚಿಸುವುದು.”